Dua Lipa tashmë po zë vendin e Rita Orës. Këngëtarja me origjinë nga Kosova duket se po “sfumon” famën e bashkatdhetares së saj në Angli.
Pas hitit të saj “Be the one” dhe paraqitjes së saj natyrale, Dua Lipa ka fituar zemrën jo vetëm të shumë fansave, por edhe të redaktorëve të revistave dhe të shtëpive të modës.
Pas Ritës, Stella McCartney ka zgjedhur Duan për të bashkëpunuar me firmën prestigjioze, duke e cilësuar si një muzë.
Përmes një fushate publicitare të këndshme, e cila quhet “One City, One Girl” ku luhet edhe kënga e Duas, ajo reklamon koleksionin e ri të Stella McCartney për sezonin e pranverës.
Së bashku me një set fotografik, Dua ka dhënë edhe një intervistë për firmën e modës ku flet për stilin e saj, i cili është një imitim i viteve 90’, si dhe dashurinë e madhe për muzikën, ndërsa zbulon preferencat dhe rrugën drejt suksesit.
Për atë që mund të jemi më kurioz tani është fakti se si mund të ndihet Rita Ora.
