Këngëtarja me famë botërore, Dua Lipa ka mbajtur ditën e sotme një konferencë pak përpara koncertit të saj në sheshin “Skënderbej”.
Artistja tha ndër të tjera se është shumë e lumtur që ndodhet në Tiranë dhe do ta mbyllë turin pikërisht këtu.
Më tej, ajo theksoi se duhet të ndryshojmë stigmën e të huajve për shqiptarët.
“E lumtur që po e mbyll turin në Tiranë. Fatkeqësi se si shihemi në sytë e të huajve. Sot është ditë e rëndësishme. Kemi nevojë të pranohemi në vendet e tjera”, tha Dua në konferencë.
Këngëtarja shtoi se tashmë sapo të përfundojë turneun e saj, do të punojë në studio dhe do të përfundojë albumin e radhës.
“Periudhë pushimi nuk kam pasur që 7 vjet por e mendoj se tani që përfundon turneu i kam disa muaj intensive në studio dhe do përfundoj albumin e tretë”
Në nder të shpalljes së pavarësisë së Shqipërisë, Dua Lipa mori nënshtetesinë shqiptare. Ajo është pritur ditën e djeshme në Presidencë së bashku me familjen e saj.
Dua-s iu dorëzua nënshtetësia shqiptare nga Presidenti i Republikës, Bajram Begaj. E këtij momenti i kanë bërë jehonë mediat më prestigjoze botërore.
Që nga “BBC”, “The Guardian”, “Skynews” kanë shkruar për këtë moment të artistes shqiptare të njohur ndërkombëtarisht.
