Dua Lipa ka pozuar së fundmi për revistën “Me.Style”, ku ka folur për albumin e saj të fundit dhe mundësinë e bashkëpunimit me reperin e njohur amerikan, Kanye West.
Kjo revistë e quan Dua Lipën këngëtare angleze me rrënjë shqiptare ndërsa thekson se vajza nga Londra njihet sidomos për muzikën e saj HipHop, ndonëse babai i saj e solli atë më pranë Dylan dhe Bowie.
E pyetur për një ofertë nga Kanye West për të prodhuar albumin e saj debutues, Dua Lipa ka thënë se do ta refuzonte këtë ofertë, pasi është shprehur se dëshiron që t’i mbetet besnike stilit të saj të këndimit.
“Unë do të doja të vazhdoja njësoj si më parë, se unë e dua zërin tim. Nëse Kanye West është i kënaqur me albumin e dytë, ndoshta ne mund të flasim për këtë. Por vetëm ndoshta … “, ka theksuar ylli botëror në ngritje, Dua Lipa.
Burimi: Musikexpress.de
