Dua Lipa dhe Rita Ora na bënë krenarë me performancat e tyre në ndarjen e çmimeve muzikore “Brit Award”. Dy bukuroshet shqiptare u komentuan shumë edhe për veshjen e tyre në tapetin e kuq.
Rita Ora u shfaq në tapetin e kuq me një fustan të bardhë me pupla që u komentua shumë pozitivisht dhe u rendit në listën e të veshurave më bukur.
Ndërsa Dua Lipa, e cila rrëmbeu çmimin si “Artistja më e mirë femër” dhe “Artistja më e mirë debutuese” kishte zgjedhur një fustan tyl , ngjyrë rozë. Disa media e futën në listën e të veshurave më mirë, por pjesa më e madhe e renditën në listën e të veshurave më keq, madje e cilësuan fustanin e saj si një mbajtëse letrash higjienike.
Në festën e organizuar pas shpërndarjes së çmimeve dy bukuroshet shqiptare u shfaqën me një stil krejt tjetër. Rita Ora kishte veshur një kostum të bardhë, me pjesën e sipërme të shkurtër të zbukuruar me qëndisma dhe me një fund treçereksh të bardhë kombinuar me një palë sandale më gurë.
Dua Lipa u shfaq në “afterparty-n e “Brit Awards” me një kostum me shkëlqim metalik nga Stella Mccartney.
