Këngëtarja shqiptare me famë botërore Dua Lipa mbërriti ditën e djeshme në Kosovë ku do të performojë në koncertin “Sunny Hill”, i cili do të mbahet në datat 10, 11 dhe 12 gusht.
Dua sapo ka mbërritur në Prishtinë ka dhënë një konferencë për shtyp ku ndër të tjera ka sqaruar edhe marrëdhënien e saj me këngëtaren tjetër me origjinë shqiptare Rita Ora. Vazhdimisht në media është përfolur se Dua dhe Rita nuk flasin me njëra-tjetrën, dhe madje kjo ka ndikuar në faktin që Rita nuk ishte e ftuar në këtë koncert madhështor që pritet të mbahet në Prishtinë. Mirëpo Dua gjatë konferencës ka lënë të kuptohet se Rita Ora do të jetë e ftuar në koncertet që do të organizohen vitet e ardhshme.
“Kemi dashur të sjellim shumë artiste femra në festivalin ‘Sunny Hill’, përfshirë këtu Rita Orën, Bebe Rexhën, Era Istrefin dhe të tjerë…”, tha Dua duke na lënë të kutojmë se marrëdhëniet mes saj dhe Ritës janë të mira.
Ndër të tjera këngëtarja shqiptare tha me shaka se gjatë performancës së saj më 10 gusht do të vishet kuq e zi, si ngjyrat e flamurit, gjithsesi këtë pritet ta shohim në koncertin e radhës.
Ndërsa e pyetur në lidhje me mesazhin që dëshiron të jap nëpërmjet këtij koncerti, Dua tha se synimi kryesor i saj është promovimi i Kosovës në botë, që të gjithë ta njohin kush është ajo.
“Kur më pyesin se nga jam dhe u përgjigjem nga Prishtina, Kosova, më pyesin se si është me qenë nga ai vend dhe pyetja tjetër ku gjendet. Këto reagime nuk është se i mirëpres, dua të dëgjoj duke thënë e njoh sepse Rita Ora vjen nga Kosova, Majlinda Kelmendi vjen nga Kosova. Kemi qejf që me këtë festival me pa që ka shumë talenta nga Kosova dhe shumë arsye për ta vizituar Kosovën.”, tha Dua.
Gjatë konferencës për shtyp Dua tregoi se shumë shpejt do të publikohet edhe kënga e saj e re, e cila vjen si një bashkëpunim me një artist të njohur.
