Dua Lipa ka një sens të mrekullueshëm të stilit. E veshur me një xhaketë sportive DKNY, një minifund dhe çizme mbi gju, këngëtarja me origjinë shqiptare mahniti gazetaren e Harper’s Bazaar, teksa u paraqit për intervistë.
Dua Lipa ka lindur dhe është rritur në Londër, u zhvendos në Kosovë kur ajo ishte 11 vjeç, dhe pastaj u kthye në Londër në moshën 15-vjeçare. Ajo ka bërë më shumë udhëtime gjatë rritjes së saj në skenën muzikore. “Kam parë kaq shumë vende të ndryshme që nuk i kisha parë më parë”, ka thënë Dua për Bazaar.com në dhjetor, duke reflektuar mbi vitin e saj të fundit.
21-vjeçarja tërhoqi vëmendje në Evropë pasi publikoi dy këngët e saj të para në vjeshtën e vitit 2015, por ajo nuk e theu kufirin për të depërtuar në klasifikimet amerikane deri sa publikoi “Blow Your Mind” në gusht të vitit 2016. Që nga debutimi i saj, ajo nisi turneun në Evropë dhe në Mbretërinë e Bashkuar, ndërsa u nominua edhe në Choice Award ku u vlerëzua nga kritikët prestigjioze.
Lipa, muzika e së cilës është etiketuar shpesh si “pop i errët”, krenohet me vokalin e thellë dhe të zjarrtë, një tingull të papritur për një artiste të re, që noton drejtë mbi gjurmët e saj.
Në intervistën për Harper’s Bazaar, këngëtarja flet për albumin e saj të ardhshëm debutues, dashurinë e saj për hip hop-in dhe karrierën e modelingut në adoleshencën e hershme.
Dua shprehet se e ka gati albumin e ri që pritet të dalë shumë shpejt dhe mezi po pret. Ajo rrëfen se i janë dashur dy vite që të kuptojë veten, çfarë i pëlqen me muzikën dhe për të përfunduar një album. Dua flet edhe për dashurinë e saj për muzikën hip hop.
“Unë gjithmonë kam ndjekur artistët e muzikës hip-hop. I kam admiruar se si ata bëjnë rep në mënyrë të shpejtë, por unë kurrë nuk doja të bëja rep edhe pse kam kërkuar të këndoj rep. Kur u zhvendosa në Kosovë, në moshën 11-vjeçare, të gjithë atje dëgjonin shumë hip hop. Të gjithë e donin Tupac dhe Biggie dhe ishin me të vërtetë të fiksuar me ta. Fiksimi im i parë ishte 50 Cent dhe Tony Yayo dhe G-Unit. Koncerti im i parë ishte Method Man dhe Redman, sepse kishin ardhur në Kosovë. Pashë edhe Snoop Dogg, gjithashtu”.
Dua ka folur edhe për lidhjen e saj me modelingun, dështimin si modele dhe faktin se si ai e ndihmoi të ngjiste shkallët e karrierës në muzikë
“Jam afruar me modelingun kur isha me të vërtetë e re. Shkova atje, por nuk kisha përmasat e duhura, nuk isha e prerë për të qenë një modele dhe nuk të vërtetë nuk kisha gjetur kurrë ndonjë punë të vërtetë në këtë fushë. Ata më mbajtën mua për një kohë, dhe pastaj thanë, “nëse dobësohesh do të të gjejmë më shumë punë”. Kjo më bëri të inspirohesha për këngën “Blow Your Mind” pasi ndihesha vërtet sikur duhej të ndryshoja për të arritur diku. Arsyeja pse kam menduar se modelingu ishte një ide e mirë ishte sepse mendova se mund të bëja miq që të më ndihmonin në muzikë. Natyrisht, ky nuk ishte rasti, por jam me të vërtetë mirënjohëse që e bëra atë, sepse është pjesë e udhëtimit tim, ku jam unë tani. Ishte pjesë e udhëtimit tim dhe më ndihmoi të isha aty ku jam tani”.
Burimi: Harper’s Bazaar
