Aksidenti automobilistik i ndodhur para disa muajsh në aksin rrugor Shkodër-Velipojë tronditi mbarë opinionin shqiptar. Një aksident fatal ku humbën jetën tre fëmijët dhe babai i tyre, Edmond Preka 43-vjeç, Noemi 10-vjeçe, Ajseli 5-vjeçe dhe Rajani 8-muajsh.
Nga ky aksident tragjik që u shuajt një familje të tërë, e vetmja e mbijetuar ishte Evis Preka, nëna e tre fëmijëve. Në postimet e ndryshme në rrjetet sociale Evis na ka treguar se tashmë jeta e saj nuk ka më kuptim dhe pret ditën që ti bashkohet familjes së saj.
Së fundmi nëpërmjet një postimi në Facebook nga halla e fëmijëve të ndjerë, Gonxhe Preka, familja ka lajmëruar se ka ngritur një përmendore në vendin ku ndodhi aksidenti në kujtim të viktimave që humbën jetën në 18 shkurt.
“Eh mor vllai jem ca na bane kshu o jeta e motrës na shkatërrove për këtë jetë. Qofsh në mbretërinë e të madhit zot o engjëjt e mi”, shkruan Gonxhe Preka, halla e fëmijëve që mbetën viktima në aksident.
