Nëse ka diçka për të cilën nuk do që të tërheqë vëmendje, ështe jeta e saj personale. Marsela Çibukaj arriti të bëhej një nga këngëtaret e preferuara të publikut shqiptar falë talentit të saj, duke qëndruar larg zhveshjes, fotove apo deklaratave provokuese.
Pak kohë më parë ajo u përfol për lidhjen me një italian të quajtur Emanuel, që ajo e cilësoi vetëm “një shok shumë të mirë”.
Pavarësisht se mund të jetë ose jo ai djali krah të cilit Marsela do të shkojë drejt altarit, mësojmë se këngëtarja ka në plan të veshë shumë shpejt fustanin e bardhë.
Gjatë një intervistë për programin “Talk Talk” në “Revistaclass.al”, Marsela rrëfen se 2018-ta mund të jetë viti i saj:
“Ndoshta mund të jetë viti i fustaneve, fustaneve të bardha. Nëse e them këtu, nuk i dihet”.
Por ajo vendos që të mos tregojë më shumë për personin që e lumturon në mëngjes:
“Aktualisht, është një person që po më dhuron lumturi, kështu që më pëlqen ta filloj ditën me një ‘mirëmëngjesi’ nga ana e tij”.
Çibukaj thotë se profesioni i tij mbetet brenda botës së artit: “Jemi gjithmonë në botën e artit – të themi kështu”.
