Drake është shfaqur shumë i afërt me pronaren e një lokali dhe fotografia e tyre ka bërë lëmsh gjithë rrjetin. Pronarja e lokalit e quajtur, Luisa Duran, ka postuar në rrjete sociale një foto me këngëtarin, për ta uruar për çmimin Artisti i Dekadës, që ai mori së fundmi në “Billboard Music Awards”.
Në foto Drake shfaqet i veshur komplet me të zeza, teksa qëndron shumë afër me Duran. Për shkak të këtij imazhi të gjithë kanë menduar se ata janë çift dhe kanë nisur një lidhje, por Luisa ka treguar komplet të kundërtën.
Ajo shkruan se është se Drake është si vëllai i saj dhe i ka habitur tëgjithëme deklaratën.
“Urime për çmimin artisti i dekadës. Ka qenë një mrekulli që kam punuar me ty këto 10 vitet e fundit. Ti je vërtetë si vëlla për mua”, shkroi Luisa në postim.
Për të marrë çmimin e tij në “Billboard Music Awards”, Drake u shfaq në skenë me djalin e tij 3-vjeçar, Adonisin dhe falenderoi nga skena familjen e tij. Këtë fjalim, ai e përfundoi duke ngritur në krahë Adonisin, të cilit i dedikoi dhe çmimin.
“Dua t’ia kushtoj këtë çmim miqve të mi, dua t’ia kushtoj këtë çmim bashkëpunëtorëve prej një kohe të gjatë. Dua t’ia kushtoj këtë çmim të gjithë bashkëmoshatarëve të mi, të gjitha vendimet tuaja dhe muzika që bëni me të vërtetë më bën që të kuptoj se çfarë duhet të bëj më tej. Faleminderit familjes time të bukur“, tha Drake.
