Përpos pandemisë së Covid-19, e cila ka kapluar të gjithë shtetet, si dhe ka kapur papërgatitur edhe Institutet e Shëndetit Publik, institucioni ynë i ISHP-së, ka treguar probleme edhe në menaxhimin e përgjegjësive të tjera.
Burime për Iconstyle.al, kanë theksuar se Instituti i Shëndetit Publik (ISHP), edhe pse jemi në kulmin e virozave stinore, nuk ka shpërndarë ende në sasitë e duhura vaksinat e gripit sezonalë në Qëndrat Shëndetësore.
Ankesat kanë ardhur nga disa punonjës, të cilët kanë treguar se vetëm para 3 javësh apo një muaji kanë ardhur disa sasi të pakta dozash, rreth 100 të tilla, por që nuk mbulojnë kurrsesi nevojat e njësive të qëndrave shëndetësore për banorë.
Duke qenë se Qendrat Shëndetësore si njësi, mbulojnë lagje të përcaktuara, numrin e banorëve nën juridiksionin e një Qëndre Shëndetësore të caktuar, e dërgon mjeku i familjes në degën e ISHP-së dhe më pas aty bëhet kalkulimi i shpërndarjes së dozave vaksinale për njësi.
Duket se ISHP-ja e ka humbur “davanë” dhe sa për të “larë gojën” ka dërguar një numër tepër të kufizuar vaksinash anti-gripale.
Mirëpo në këto situata ku ndodhet vendi, për shkak edhe të pandemisë së Covid-19, popullata duhet furnizuar në kohë me vaksinat ndaj gripit stinor, për shkak se simptomat janë disi të ngjashme me të covid-19 dhe kjo gjë shkakton konfuzion dhe ankth te qytetarët, të cilët duke mos pasur informacionin e duhur, dynden nëpër spitale. Si pasojë mbingarkohet edhe sistemi shëndetësor duke e dërguar vendin drejt një kolapsi apo katastrofe shëndetësore nëse rastet e reja me covid do të vazhdojnë me këto ritme të frikshme.
Iconstyle.al do ta ndjekë në vazhdimësi këtë çështje duke raportuar gjithmonë në rast përditësimesh të reja në këtë problematikë.
Shpresojmë që ISHP të tregohet më profesionale dhe korrekte, pasi ka një përgjegjësi të lartë përballë qytetarëve taksapagues shqiptarë, sidomos në këto kohë covidiane!/Iconstyle.al/
