Kajan ka afërsisht një muaj që ka ardhur në jetë, por duket se mami Ajola Xoxa ka ende mall për ditët e pritjes së ëmbël. Mbrëmjen e sotme, bashkëshortja e kryebashkiakut të Tiranës, publikoi në profilin e saj në “Instagram” një foto të adhurueshme ku shfaqet katër ditë përpara se të vinte në jetë fëmija i saj i parë.
Me duart tek barku i rrumbullakosur, Ajola shfaqet e buzëqeshur, e veshur me një fustan në ngjyrë bojëqielli dhe duket shumë e ëmbël.
“4 tetor 2018” – shkruan Ajola, krahas fotos duke e shoqëruar me emoji-n e një ëngjëlli.
Me tetë tetor, Erion Veliaj dhe Ajola Xoxa u bënë prindër për herë të parë, pasi u bekuan me një vogëlush, të cilin e pagëzuan me emrin Kajan. Prindërit e rinj kanë zgjedhur që të mos shfaqin në rrjetet sociale imazhin e vogëlushit, ndaj deri më tani i kemi parë vetëm këmbën e vockël.
