Fëmijët kanë qenë protagonistët kryesor të ditës së sotme dhe kanë rrëmbyer vëmendjen e të gjithëve. Sot është 1 Qershori, Dita Ndërkombëtare e fëmijëve dhe gjithçka iu është dedikuar vetëm atyre.
Me rastin e kësaj feste personazhet e famshëm shqiptarë kanë nxituar t’i urojnë fëmijët e tyre nëpërmjet dedikimeve emocionuese në rrjetet sociale. Madje disa prej tyre na kanë prezantuar edhe me surprizat që iu kishin rezervuar vogëlushëve të tyre me rastin e kësaj feste.
Këngëtarja shqiptare Zaimina Vasjari me rastin e kësaj feste na zbuloi për herë të parë fytyrën engjëllore të vajzës së saj.
“Gëzuar 1 qershorin tënd të parë sy kaltërta ime! Gëzuar edhe të gjithë vogëlushëve! Qofshin fytyrat dhe zemrat tuaja të lumtura gjithmonë ??#mykhloe”, shkruan Zaimina krahas videos ku shfaqet Khloe.
Trashëgimtarja e “Top Channel”, Sara Hoxha që në orët e para të mëngjesit publikoi në Instastory një foto të djalit të saj London Noor, i cili mendohet se është në shoqërinë e Itanit, vëllait të saj. Një foto e adhurueshme e shoqëruar me një mesazh të këndshëm.
“Shpirti shërohet duke qenë pranë fëmijëve”, shkruan Sara sipër fotos.
Moderatorja Bora Zemani kishte zgjedhur një foto ku shfaqet duke puthur djalin e saj, Arborin për t’iu uruar 1 Qershorin të gjithë fëmijëve.
“Gëzuar kalamaja 1 Qershorin”, shkruan Bora krahas fotos ku shfaqet së bashku me të birin.
Për moderatoren Ilva Tare ky 1 Qershor ishte i dyfishtë, këtë vit ka dy urime dhe dy dhurata për të bërë. Ajo kishte zgjedhur një mënyrë shumë origjinale për të uruar festën e 1 Qershorit. Të sapo zgjuar nga gjumi Ilva iu kishte shkrepur një foto Thomasit dhe Melodisë, dy fëmijëve të saj.
“E bekuar”, shkruan Ilva sipër fotos.
Këngëtarja Miriam Cani zgjodhi ta uronte vogëlushen e saj, Ameli për 1 Qershorin me një mesazh që iu drejtohet gjithë prindërve.
“Nëse dëshironi që fëmijët tuaj të jenë mirë, shpenzoni dy herë më shumë kohë me ta dhe gjysmën e atyre shumë parave që shpenzoni”, thuhet në foton me të cilën Miriami ka uruar vajzën e saj për 1 Qershorin.
Edhe për bukuroshen Amarda Toska ky 1 Qershor është i dyfishtë. Tashmë nuk ka për të uruar vetëm Joelin, por edhe të voglën Sia, e cila ua ka zbukuruar jetën.
Ami ka publikuar në Instastory një foto të Joelit nga festa që është organizuar në kopshtin e tij.
“Gëzuar 1 Qershorin”, shkruan Ami sipër videos ku shfaqet Joeli së bashku me shokët e tij.
Gazetarja Jonida Shehu ka uruar festën e fëmijëve me një foto të vajzës së saj, Kristalit.
“Gëzuar 1 Qershorin! Të vetmen festë që s’do t’ia dish se çdo veshësh, po sa do kënaqesh”, shkruan Jonida krahas fotos ku shfaqet vajza e saj.
Gazetarja Sonila Meço ka zgjedhur një foto të veçantë të saj me të bijën për t’iu uruar 1 Qershorin gjithë fëmijëve dhe atyre që ndjehen fëmijë.
“Gëzuar 1 Qershorin fëmijë të vegjël e të rritur”, shkruan Sonila në foton ku shfaqet duke luajtur me vajzën e saj,e cila tashmë është rritur dhe është bërë një zonjushë e vërtetë.
Aktori i njohur i “Apartamentit 2XL”, Jul Deda ka publikuar në Instagram një foto të dy fëmijëve të tij dhe mbesës, për të uruar 1 Qershorin.
“Kështu na gjeti ky 1 Qershor. Gëzuar praaa…”, shkruan Jul Deda në postimin e tij në Instagram.
Për vajzën e Robert Berishës dhe Nora Istrefit, ky është 1 Qershori i tretë. Roberti ka publikuar në Instastory një foto të të voglës së tij, Renee, e cila shfaqet mjaft e lumtur dhe me fytyrën e pikturuar.
