Shpat Kasapi, një nga meshkujt më të përfolur për marrëdhëniet me femrat, që pas ndarjes nga ish e dashura Afërdita Dreshaj, më në fund është dorëzuar. Ai e ka pranuar që është në një lidhje me një vajzë, që sipas tij është një vajzë e mirë, besnike dhe e sinqertë.
Këtë deklaratë publike, Shpati e ka bërë mbrëmë gjatë emisionit “Top Show Magazine”. Madje këngëtari nga Shkupi tregoi se këngën e fundit “Aroma e saj”, ia ka dedikuar kësaj vajze.
Shpat kasapi ndërkohë nuk ka pranuar të jap detaje se kush është kjo vajzë që i ka rrëmbyer zemrën. Këngëtari simpatik tha se për vajzën që mban për momentin në krah, ka marrë edhe aprovimin e nënës së tij.
