Dialogu teknik midis Kosovës dhe Sebrisë në Bruksel ka përfunduar dhe tashmë palët po përgatisin marrëveshjen ku përcaktohet njohja reciproke. Është kryeministri Avdullah Hoti që jep detaje mbi diskutimet që po koordinohen nga Bashkimi Evropian.
“Dialogu nuk ka alternativë. Por, dialogu teknik ka përfunduar. Tani Kosova ka nisur dialogun për njohje reciproke, dhe sot në Bruksel fillon draftimi i kësaj marrëveshje. Qasja refuzuese ndaj dialogut dhe ndaj miqve tanë në të kaluarën e afërt na ka izoluar. Shtëpia nuk mbahet pa miq. Kosova ka një Kryeministër që po i ushtron autorizimet kushtetuese pa lejuar asnjë ndërhyrje në ato autorizime, por duke e koordinuar agjendën e shtetërore të Kosovës me bartësit e institucioneve, me partnerët e koalicionit dhe me opozitën, si dhe duke e mbajtur plotësisht të informuar publikun e gjerë”, shprehet Hoti.
Ndonëse nuk ka një datë zyrtare se kur kjo marrëveshje do të bëhet publike dhe nëse Serbia do të pranojë ta firmosë, pritet që zhvillime të rëndësishme të ketë gjatë muajt shtator. Pikërisht në fillim të shtatorit është paralajmëruar për një takim tjetër të nivelit të lartë në Bruksel midis Kosovës dhe Serbisë, çka mund të shfrytëzohet edhe për nënshkrimin e marrëveshjes. /gazetareforma
