Ish-banori i “Big Brother”, Ervin Sinjari, ose i njohur ndryshe si donzhuan brenda por edhe jashtë shtëpisë, prej disa kohësh ka gjetur dashurinë e jetës.
Tashmë dukej se kishte ardhur koha për t’i dhënë fund beqarisë.
Çifti vendosi që të martohet në Itali, ndërsa organizuan edhe një dasmë me të afërmit e tyre dhe miqtë.
Ish-konkurrenti, i cili jetën e tij e ndaj midis Londrës, Shqipërisë dhe Tajlandës tashmë ka vendosur që të hedhë pas krahëve historitë e vjetra e të nisë një jetë të re me bashkëshorten e tij, e cila quhet Eri.
Ervini dhe Eri kanë rreth një vit që janë së bashku dhe duket se janë shumë të dashuruar me njëri-tjetrin dhe shumë shpejt do të sjellin në jetë edhe fëmijën e tyre të parë.
