A mund të ishte shmangur tragjedia në lokalin në ish-Bllok ku mbeti i vrarë 28-vjeçari Fabian Gaxha dhe u plagosën dy të tjerë?
Këtë nuk mund ta themi me siguri, por ajo që dimë është se këngëtarja Elvana Gjata u mundua të largonte të dashurin nga lokali, për të shmangur përballjen e tij me Ervis Martinajn.
Burime për “BalkanWeb” bëjnë me dije se Elvana ka hyrë brenda lokalit dy herë. Kamerat e një biznesi pranë vendit të ngjarjes kanë kapur këngëtaren në momentin e ngacmimit dhe më pas kur ajo ka hyrë dy herë brenda, me sa duket për t’i thënë të dashurit të saj Ervin Mata të largohej e të mos priste Ervis Martinajn për sqarime.
Ndërkohë dje u bë e ditur se Prokuroria ka urdhëruar shoqërimin e detyrueshëm të këngëtares, e cila është e detyruar të paraqitet për të dhënë shpjegime brenda 30 ditëve.
Këngëtarja u largua nga Shqipëria më 5 tetor, vetëm pak orë pas ngjarjes nga Rinasi drejt një vendi të BE. Në kërkim për ngjarjen janë shpallur dhe i dashuri i saj Ervin Mata, Fabian Allushi, Mevjol Bilo, të cilët kanë qenë të ulur në një tavolinë.
