Bëhuni gati të shihni se si do të shtohen sërish kritikat e ashpra për ikonën e modës Victoria Beckham.
Vetëm para pak ditësh ajo u kritikua se ndryshe nga Ed Sheeran, ish-pjesëtarja e “Spice Girls” i kishte kërkuar shtetit që të paguante stafin e saj me pagë lufte. (Lexo këtu)
Duke qenë se ra pre e kritikave të mëdha, Victoria u tërhoq nga ky vendim dhe vendosi që të paguajë stafin e saj me 80% të pagës dhe ata të rrinë të sigurt në shtëpi.
Por tani “The Sun” raporton se Victoria dhe David Beckham kanë marrë një kredi prej afro 10 milionë euro për të blerë një shtëpi luksoze. Kjo shtëpi do të ketë pesë dhoma gjumi, një pishinë, banjë, sallon të flokëve, bar i mbushur me lëngje, palestër dhe jastëk për ulje të helikopterëve.
Duke qenë se ky vendim për të blerë një shtëpi tepër luksoze në Miami erdhi pikërisht në këto ditë pandemie, pyetjet dhe kritikat janë të mëdha tanimë për çiftin e njohur dhe nuk e dimë ende nëse Victoria dhe Beckham kanë një justifikim të bindshëm për këtë.
