Një status i Ministres së Kulturës Mirela Kumbaro gjatë ditës së sotme në Twitter është bërë objekt debati, por edhe humori në rrjetet sociale së fundmi.
Në statusin disi eksplicit, të huazuar nga aktori amerikan John Waters, Kumbaro u bën thirrje të rinjve t’ i rikthejnë vëmendjen librit.
“Ne duhet të kemi sërish libra të mirë. Nëse shkon në shtëpinë e dikujt që s’ka libra, mos shko në shtrat me të. Mos e lejo atë të të eksplorojë ty para se të eksplorojë universet sekrete të librit.” – ka shkruar Kumbaro.
Por statusi i saj i guximshëm duket se nuk është pritur shumë mirë nga ndjekësit e saj. Shumë prej tyre kanë shkruar të revoltuat në hapsirën e komenteve duke shprehur irritim për mënyrën e shprehjes së zyrtares së lartë.
