Puthja e famshme e Bora Zemanit dhe Donald Veshajt në “Big Brother Vip” nuk ka kaluar pa u komentuar edhe nga banorët e këtij edicioni.
Armaldo, Luizi dhe Genti kanë diskutuar së bashku mbi këtë çështje, ku tenori me një ton disi të revoltuar tregoi si Donaldi u puth me Borën dhe më pas u “kris” me Beatrixën.
Pjesë nga biseda:
Armaldo: Pse nuk e puthi Donaldi vjet atë publikisht dhe u kris me atë tjetrën.
Luizi: Kë?
Armaldo: Borën pra, e kishte Bora emrin?
@padorashkaa♬ original sound – Padorashkaa
Ndonëse trekëndëshi Bora-Donaldi-Beatrix, akoma përflitet nga të tjerët, vetë moderatorja dhe aktori po shijojnë dashurinë e tyre.
Madje ata ndodhen në Itali këto ditë ku po shijojnë motin me borë dhe në këtë mënyrë festuan edhe ditëlindjen e Zemanit.
Ditën e djeshme nuk mungoi edhe një dedikim i ëmbël nga Donaldi për personin e tij të zemrës. Aktori publikoi një foto të Borës në Instastory, krahas së cilës shkruan: “Për ty botën, gëzuar ditëlindjen shpirt.”
Gjatë një interviste të dhënë më herët Bora ka folur për jetën e saj personale si dhe atë profesionale. Teksa u ndal tek Donaldi, prezantuesja tha se partneri i saj dhe djali i saj, Arbori kanë një marrëdhënie të shkëlqyer me njëri-tjetrin.
“Ata kanë marrëdhënie shumë të mirë. Arbori thotë që Donaldi është shoku im i ngushtë. Luajnë playstation bashkë”, tha ajo.
