Kur kishte muaj që flitej për një ndarje të mundshme të Bora Zemanit dhe Donald Veshajt, pak javë më parë “iconstyle.al” pas një vëzhgimi të vogël vuri re se ata janë bashkë.
Nga rrjetet sociale kuptuam se çifti ka qenë bashkë në jug të vendit. Donaldi ka publikuar një foto nga Dhërmiu në datë 20 shtator dhe dy ditë më vonë më 22 shtator është Bora ajo që ka ndarë me ndjekësit në rrjetet sociale një foto ku shihet nga i njëjti vend.
Po ashtu, postimet e tyre që nxjerrin zbuluar vendndodhjen e përbashkët kanë vijuar përkatësisht më datë 27 shtator dhe 25 shtator.
Madje, burime për “Iconstyle.al” treguan më herët faktin që Donaldi ka pranuar në “Shiko Kush Luan” se është në një lidhje me Borën.
Gjatë puntatës së fundit të emisionit të Luanës, aktori ka konfirmuar këto zëra gjatë njërës prej lojrave në studio.
Sipas lojës, personi që nuk e kapte këpucën duhet t’i përgjigjej pyetjes “Cili është emri i partnerit/es aktuale,apo ish-it të fundit?”
Përballë Donaldit u vendos Kejvina e cila arriti ta kapë më parë këpucën, duke e detyruar aktorin të përgjigjet.
Megjithëse nuk e tha me zë të lartë, Donaldi lëvizi buzët duke thënë emrin e Borës dhe duke konfirmuar kështu njëherë e mirë se ata janë bashkë.
