Mbrëmja e djeshme nuk ishte mira për Sara Hoxhën dhe Luixhinon në “DWTS”, të cilët patën edhe një përplasje të vogël me jurinë.
Por ajo që mori vëmendje ishte një thumb nga Donald Veshaj. Donaldi ka postuar në Instastoryn e tij një foto të Sarës nga puntata e ‘Më lër të flas’, ku bukuroshja duket duke qeshur, shumë e lumtur dhe pozitive dhe me një mënyre ka mbështetur Sarën dhe ka ‘thumbuar’ jurinë e ‘DWTS’ për energjinë negative që përcjellin ndaj konkurentëve.
“Kjo është fytyra që juria kërkon që Sara të bëj te ‘Dancing with the Stars’, por që ajo e bën vetëm tek ‘Më lër të flas’. Sepse energjiaaa ka të thotë shumë laleee”-ka shkruar ai në Instastory.
Mbrëmjen e djeshme partnerja e Ledrit dhe Luixhino kërcyen një vals nën tingujt e këngës së Elvana Gjatës “Më fal”.
Dyshja u vlerësuan vetëm me 38 pikë nga 50 të mundshme në total, pasi jurisë i ishte shtuar edhe këngëtarja e njohur, Elvana Gjata.
Sara Hoxha u kritikua nga anëtarët e jurisë të cilët e vlerësuan performancën e saj si të ftohtë dhe pa emocion.
Konkurrentja e “DWTS” sigurisht e mbrojti veten duke u shprehur se kishte shumë pak ditë për tu përgatitur.
“Kishim vetëm 4 ditë kohë të mësonim kërcimin, të mësoja unë të aktroja…”, tha Sara.
Mirëpo në këtë moment ajo u ndërpre nga Dalina Buzi e cila duket se nuk i përton komentet e saj. Ajo i tha Sarës se vetëm justifikohej.
“Sara këtë nuk duhet ta thuash më kurrë se e ke bërë si justifikim. Këtë nuk duhet ta thuash më kurrë, nuk na intereson më shpirt se çdo njeri këtu do thotë kam 4 ditë kohë. Në fund ne duam të shikojmë kërcimin”, u shpreh ajo.
