Zonja e Parë, Melania Trump ishte duke shkuar dje në Teksas për të vizituar fëmijët e emigrantëve të cilët kanë ngelur në kufi. Mirëpo teksa po shkonte drejt avionit të saj ajo u shfaq me një xhaketë mbi të cilin kishte një shkrim tepër provokues.
“Mua vërtetë nuk më intereson, po ty?”, shkruhej mbi xhaketën e Melania-s.
Kaq mjaftoi dhe gjithë bota filloi të shkruante se Zonjës së Parë të SHBA-së nuk i intereson se çfarë po ndodh me këta fëmijë dhe ky ishte mesazhi që ajo donte të përcillte me këtë xhaketë.
Pas këtyre spekulimeve përfaqësuesit e Shtëpisë së Bardhë reaguan duke thënë se kjo ishte thjesht një xhaketë dhe kaq.
“Është thjesht një xhaketë. S’ka mesazhe të fshehura. Pas takimit shumë të rëndësishëm sot në Texas, shpresoj që media të mos fokusohet tek xhaketa e saj.”, thanë përfaqësuesit e Shtëpisë së Bardhë.
Por nga ana tjetër ka reaguar edhe Presidenti Donald Trump i cili ka dhënë versionin e tij në lidhje me këtë shkrim. Sipas tij, xhaketa e Melania-s nuk ishte e pakuptimtë dhe ishte një dedikim i hapur për mediat.
“’Mua s’më intereson, po ty?’ e shkruar në pjesën e mbrapme të xhaketës së Melania-s i referohet lajmeve të rreme. Melania e ka kuptuar se sa të pandershëm ata janë dhe thjesht nuk i intereson më.”, ka thënë Trump.
“I REALLY DON’T CARE, DO U?” written on the back of Melania’s jacket, refers to the Fake News Media. Melania has learned how dishonest they are, and she truly no longer cares!
— Donald J. Trump (@realDonaldTrump) June 21, 2018
Dhe për t’i bërë gjërat më interesante stilisti i Melania-s tha se ai nuk ia kishte parë kurrë më parë asaj këtë xhaketë, por nuk preferoi të komentonte më tej.
Today’s visit w the children in Texas impacted @flotus greatly. If media would spend their time & energy on her actions & efforts to help kids – rather than speculate & focus on her wardrobe – we could get so much accomplished on behalf of children. #SheCares #ItsJustAJacket
— Stephanie Grisham (@StephGrisham45) June 21, 2018
Burimi: Cosmopolitan
