Ndoshta do t’ju duket disi e çuditshme kjo eksperiencë, por një vajzë që vendos makijazh çdo ditë ashtu si unë, do të më kuptonte më shumë.
Unë jam 28 vjeçe. Vendos makijazh çdo ditë në punë, të lehtë në përditshmëri, por fytyra ime nuk del asnjëherë e pakuruar nga dera e shtëpisë.
Atë djalin nuk e njihja mirë, kishim shkëmbyer disa mesazhe për një kohë të shkurtër dhe vendosëm të takoheshim.
Ishte verë dhe unë kisha marrë një ngjyrë të bukur nga plazhi. Ndihesha sikur kisha një shkëlqim që më buronte ashtu në mënyrë natyrale, plus që ishte aq nxehtë saqë thjesht thashë: Varja!
Para se ta takoja po mendohesha se nëse gjërat shkojnë vërtet mirë, atëherë ai do të më shohë se çfarë njeriu jam, pavarësisht situatës.
Unë në fakt u ndjeva mirë pavarësisht se kisha pak frikë. Fakti që nuk ndihesha aq e tmerruar lidhej me faktin tjetër që nuk kishim folur aq shumë saqë të krijoja përshtypjen: O atë o rashë e vdiqa! Por kur e mendoj tani, shoh që ky ka qenë çelësi!
Dhe ja më në fund u takuam! Shkuam në një lokal të qetë, aty ku nuk do të ndihesha sikur isha në vendin e gabuar (normalisht e zgjodha vetë). Patëm një lidhje të pabesueshme dhe u humbëm në bisedë aq saqë nuk vura re se ai po më shikonte në fytyrë.
Atë ditë m’u duk sikur nuk e kishte vënë re, por në fakt e kishte vënë dhe nuk ma përmendi deri në momentin që gjërat po bëheshin më serioze. Kur folëm bashkë për për takimin e parë, ai më tha se ishte i befasuar që unë nuk vura pikë makijazhi.
Kjo e bëri atë të mendojë se nuk po përpiqesha ta impresionoja. Isha vetvetja dhe kjo e bëri të përpiqej më shumë për marrëdhënien tonë. Fakti që u tregova transparente u kthye në një plus për mua.
Nëse doni ta dini si shkoi, sot jemi bashkë. Sipas mendimit tim, ne si femra nuk duhet të bëjmë makijazh për meshkujt dhe ne nuk kemi nevojë që ata të miratojnë këtë. Unë për vete e vendos makijazhin sepse më bën të ndihem mirë në ditët kur mund të kem nevojë për diçka të vogël shtesë për t’u ndjerë e sigurt.
