Zymtësia e kësaj dite, ka bërë që Dojna Mema të zgjohej shumë nostalgjjike ditën e sotme.
Moderatorja ka ndarë në profilin e saj në Instagram një imazh nga fëmijëria teksa babai i saj i ndjerë e mbante në krahë.
Krahas fotos ajo ka prekur zemrat e të gjithëve edhe me përshkrimin që i ka bërë postimit në fjalë.
“Sa do të doja ta kishe mbajtur një herë në krahë Nolan Sol, por ndoshta ti e ke bërë përpara ne të gjithëve. Përgjithmonë goca jote bab”, ka shkruar moderatorja.
Kujtojmë që pak kohë më parë Dojna Mema është bërë nënë për herë të parë, duke sjellë në jetë djalin e saj Nolan Sol.
Më herët e ftuar në “Goca dhe Gra”, ajo rrëfeu gjithçka rreth eksperiencës së saj gjatë shtatzënisë, dhe periudhën pas lindjes së djalit, Nolan Sol.
Moderatorja tha se e ka pasur kompleks në fillim lindjen përmes rrugës çezariane (me operacion), por tani shprehej e lumtur për zgjedhjen e saj.
“Kompleks kam pasur faktin që linda me çezarian (operacion) dhe jo me lindje natyrale. Kjo ka qenë pjesa më e komplikuar që unë e kam vuajtur shumë. Për fat kisha Vlashentin afër. Deri në momentin e fundit kam shkuar në spital me idenë që do lindja vetë. Kisha panik, as nuk e kisha menduar fare momentin e lindjes dhe kur erdhi…nuk isha vërtetë gati.
Por të kisha pasur një ndjekje graduale, ndoshta mund ta kisha përballuar por tani jam e lumtur për zgjedhjen e bërë. Shtatzëninë e kam pasur shumë te lehtë, e kam përjetuar shumë mirë. Kam lindur në javën e 41 se fëmija ishte pak ‘përtac’. E mira që të gjitha gratë të ndjekin një regjim të mos konsumojnë gjëra të dëmshme, pavarësisht se unë kam ngrënë pica”- tha Dojna.
