Dojna Mema dhe Vlashent Sata pranuan publikisht lidhjen e tyre në fund të vitit të shkuar, për ta nisur 2021 zyrtarisht si çift. Ata kanë 3 vite bashkë dhe për herë të parë janë njohur me njëri-tjetrin në një intervistë që Dojna i ka bërë Vlashentit, teksa ishte prezantuese në “Pop Culture”. Që nga momenti që e kanë bërë lidhjen publike ata të dy nuk kanë nguruar që të ndajnë me ndjekësit disa nga çastet më të bukura që kalojnë më njëri-tjetrin.
Para disa ditësh Dojna tregoi se ka nisur të mësojë këngë të Shkodrës, vendit të origjinës së Vlashentit, sepse përndryshe ai i ka thënë se nuk do i propzojë me unazë diamanti (sigurisht me shaka). Mirëpo këngët nuk janë të vetmet dhe duket se Dojna ja ka gjetur më së miri telat Vlashentit për ta bërë për vete dhe rregulluar raportet në raste zënkash.
Një ndjekëse i ka kërkuar moderatores një sekret se si forcohet lidhja me një shkodran dhe ajo i ka dhënë jo një por 1001.
“Thuaji që s’ka si Shkodra dhe gegnishtja është dialekti më i ëmbël që ke dëgjuar ndoënjherë. Bik Ndoja është super artist dhe Kafja madhe s’ka të krahasuar as me Cafe de Flore në Paris.
Shto Migjenin dhe thuaji që do kishte shumë dëshirë t’ja vije emrin gocës Rozafa. Sigurisht mos ja vendos ashtu, por bjeri në sy që e ke menduar. Nëse jeni zënë, gatuaji një tavë me krap ose çoje për drekë në Shirokë
Kryesorja: qesh gjithmonë me batutat e tij (sidomos ato në dialekt). Edhe nëse nuk i kupton, vetëm qesh, kot. Do e kuptosh që është batutë se bën një intonacion në fund si tip ofshame”, ka treguar Dojna.
Ndërsa për sa i përket planeve për projekte të përbashkëta siç është, “Copëzat”, moderatorja është shprehur:
“Për momentin kemi zgjedhur ta mbajmë shumë të ndarë jetën tonë profesionale nga ajo personale. Jemi aq të ndryshëm profesionalisht, sa kur të bashkohemi është e sigurt që do jetë një gjë shumë kreative. Unë jam më instiktive, ndërsa ai më i matur, kështu që presim të puqemi në një pikë që jemi të dy dakord”
