Shawn Mendes dhe Camila Cabello janë ndarë pas dy vitesh lidhje.
Kanadezi 23-vjeçar e zbuloi lajmin në Instagram, duke shkruar se ai dhe këngëtarja 24-vjeçare kanë vendosur t’i japin fund lidhjes romantike.
“Por dashuria jonë për njëri-tjetrin si njerëz është më e fortë se kurrë. Ne e filluam lidhjen tonë si miqtë më të mirë dhe do të vazhdojmë të jemi miqtë më të mirë. Ne e vlerësojmë mbështetjen tuaj që nga fillimi dhe ecim përpara”, shkroi Mendes, duke e mbyllur postimin me emrat e tij dhe të Camilës.
Cabello gjithashtu e ndau deklaratën me llogarinë e saj përkatëse në Instagram.
Ata ndanë fotografitë e njëri-tjetrit për herë të fundit në mediat sociale më 31 tetor dhe 1 nëntor, të cilat u morën gjatë festimeve të tyre të Ditës së të Vdekurve.
Cabello dhe Mendes u panë për herë të fundit publikisht më 3 nëntor teksa po shijonin një ditë plazhi në Miami, Florida.
Dy javë më parë, këngëtari i hitit “Mercy” shoqëroi ish-këngëtarin e Fifth Harmony në premierën e Hirushes së Amazon në Miami. Camila luajti personazhin kryesor, ndërsa Shaën bëri një paraqitje të vogël në filmin shumë të kritikuar.
Pas pesë vitesh miqësi, bashkëpunëtorët e hitit “Senorita” vendosën ta çojnë lidhjen e tyre në një nivel romantik në korrik të 2019-ës.
