Moderatorja Bieta Sulo dhe partneri i saj Alban Dudushi, ishin të ftuarit e radhës në emisionin e Romeo dhe Donald Veshajt, “Binjakët Show”.
Gjatë intervistës në studio, Bieta s’mund t’i shpëtonte edhe pyetjeve për konkurrenten e saj në ekran, mdoeratoren Rudina Magjistari.
Prej kohësh, Bieta dhe Rudina “po përplasen kokë më kokë” me emisonet e tyre të pasdites, të transmetuara në të njëjtën kohë në televizione të ndryshme.
E pyetur “Të ka ftuar ndonjëherë Rudina në emision?”, Bieta iu përgjigj fillimisht: “Cila Rudinë, se janë disa?”
“Asnjëherë”- tha ajo, duke sqaruar se përveç të gjithash, e ka të pamundur të lëvizë sepse është në transmetim live çdo pasdite, nga e hëna në të premte.
E pyetur se cili emision ka më shumë shikueshmëri sipas saj, Bieta u përgjigj:
“Në kuptimin sasior të viteve që ka në treg, është “Takimi” i Rudinës. Të them të dhënat e Youtube-it? Trefish për “Ftesë në 5”- është shprehur Bieta.
Rikujtojmë se në fillim të sezonit televiziv të një viti më parë, Rudina Magjistari u shpreh se emisioni i saj i pasdites kishte sjellë një risi dhe ishte pëlqyer e kopjuar nga shumë të tjerë. Megjithatë, moderatorja shprehej se emisioni i saj vazhdonte të ruante origjinalitetin dhe të ndiqej po njësoj nga teleshikuesit.
Gjithashtu edhe Bieta iu përgjigj këtij “thumbi” asokohe, duke publikuar një foto ku tregonte se look-u i saj ishte më i pëlqyer se ai i Rudinës, pas një sondazhi të një faqeje online.
