Në puntatën e sotme të “Për’puthen”, është transmetuar takimi i Lauretës me Samuelin i cili nisi me fjalë të ëmbla dhe gjeste romantike.
Konkurrenti i solli një trëndafil të bardhë Lauretës ku i tregonte se simbolizonte bardhësinë shpirtërore, ndërsa Laureta e shihte me shumë ëmbëlsi.
Në një moment ku kjo e fundit pyeti Samuelin së çfarë do të ndante me të, ai ktheu një përgjigje shumë provokuese.
“Do të ndaja shtratin me ty”, tha ai.
Alesja nga ana tjetër, e cila ka pasur një takim po aq të afërt me Samuelin, nuk e pëlqeu këtë gjë.
Pasi pa këto skena Alesja tha se Laureta e ka përdorur Samuelin, kurse me këtë të fundit ajo tha se i ka mbetur hatri.
“Mendoj se po ndihej në siklet dhe nuk po e përballonte mirë. Po përpiqej ta tërhiqte dhe Laureta nuk po ia varte fare. Nuk po të jepte atë që po kërkoje. Laureta e ka përdorur Samuelin dhe çdo gjë po më duket tendencioze. Unë të paktën i respektoj çunat. Me Samuelin më ngeli hatri. Ka bërë indiferentin edhe pse unë kam kaluar një periudhë të vështirë. Unë shkoja i flisja e para se ai nuk më fliste. Nuk më pyeti kurrë se si jam.”-tregoi Alesia.
Ndërkohë Samueli i dhuroi një palë vathë Lauretës në studio pas debateve.
