Kështu ka bërë të ditur në “Twitter” avokati serb Çedomir Stojkoviç, teksa shpresojmë se tre oficerët e policisë do të lirohen e do t’i bashkohen shëndoshë e mirë gjirit familjar, pa përshkallëzime situate.
Sot, qeveria britanike bëri thirrje të menjëhershme për lirimin e tre policëve të marrë peng nga forcat serbe, si dhe dialog mes Kosovës dhe Serbisë për themelimin e Asosacionit.
Në deklaratë, Britania kërkon nga Albin Kurti që të njoftojë sa më shpejt zgjedhje të parakohshme në komunat me shumicë serbe, ndërsa nga serbët që jetojnë në këto komuna, kërkon që të marrin pjesë në këto zgjedhje.
Rikujtojmë se situata në Veri të Kosovës s’ka gjetur qetësi as gjatë natës, teksa është sulmuar me bomba molotov. Madje, sot serbët kanë kaluar edhe kordonin e KFOR-it dhe janë mbledhur para objektit të komunës së Leposaviqit, për të kundërshtuar praninë e kryetarit, Lulzim Hetemi.
Për situatën kritike reagoi gjatë ditës së djeshme edhe KFOR, duke vendosur ekipin në zonë dhe duke bërë thirrje që të ulen menjëherë tensionet dhe të përmbahen nga veprimet e njëanshme që mund të çojnë në përshkallëzim të mëtejshëm.
