Kryeministri Edi Rama dha një lajm të mirë, për të gjithë shqiptarët që janë bllokuar jashtë kufijve.
Kreu i qeverisë tha nga e hëna e javës që vjen, do të nisë riatdhesimi i të gjithë atyre që kërkojnë të kthehen në Shqipëri.
Rama bëri me dije se pjesa më e madhe e shqiptarëve janë bllokuar në Itali, Britani, Kroaci, Greqi dhe Gjermani.
Më tej ai shtoi se udhëtimet do të kryhen falas, nëpërmjet avionit “Lasgushi” të “Air Albania”.
“Javën e ardhshme nis riatdhesimi i atyre që kanë ngelur jashtë. Do vijnë pa pagesë. Do i sjellë Lasgushi. Në këtë hall i kërkova kompanisë të marrë barrën e të qënit shqiptar. Nesër del kalendari.Të hënën nis hartimi i listave dhe pikave ku do të marrim qytetarët tanë “tha Rama.
Kreu i ekzekutivit përsëriti edhe njëherë, se nuk do të tolerohet mospagesa e faturave të energjisë elektrike, pasi OSHEE në të kundërt do rrëzohej në tokë.
Kamat-vonesat nuk i falja kurrë por jemi në luftë. OSHEE do të goditet në financat e saj, mospagesa e rrëzon përtokë me një efekt shkatërrues, do na e bënte të pamundur fitoren”, tha ndër të tjera Rama.
Kujtojmë këtu se bilanci i COVID-19 në vendin tonë ka shkuar në 186, ku në 24 orët e fundit janë shënuar 12 raste të reja.
Gjithashtu që nga nisja e epidemisë, janë regjistruar 8 viktima dhe 31 të shëruar.
Në spitalin Infektiv po kurohen 77 persona, 3 prej të cilëve mbahen në terapi intensive. /gazetareforma
