Serialet turke janë shndërruar në të preferuarit e publikut shqiptar. Të rrallë janë ata që nuk kanë ndjekur të paktën një serial turk. Mirëpo drejtori i programacionit në “TV Klan”, Albert Dumani ka bërë të ditur se ky televizion ka blerë një ndër serialet më të rinj turq, i cili pritet t’i mbajë të gozhduar teleshikuesit shqiptarë.
Në shtator do të nisi në “Klan Plus” seriali “Payithat: Abdylhamit” (Kryeqyteti: Abdylhamit), i cili në Turqi ka nisur të transmetohet që vitin e kaluar dhe ka pasur shumë sukses. Ky serial është një prodhim i televizionit kombëtar turk “TRT”, i cili ka prodhuar edhe serialin shumë të ndjekur në Shqipëri “Ertugrul”.
Seriali më i ri që do të nisë në “Klan Plus” flet për 14 vitet e e fundit të pushtetit të sulltanit më modern të të gjitha kohërave, Abdylhamit Han.
Në këtë serial luajnë 500 aktor, dhe ndër ta edhe Nik Xhelialaj, i cili do të shfaqet ne disa seri. Ai luan rolin e “Marko”-s që ka shkuar me mision nga Berlini në Stamboll në vitin 1989.
Gjithashtu në këtë serial luajnë edhe aktorë të tjerë të njohur për publikun shqiptar, si Songil Oden e njohur me rolin e Jaseminit në serialin “Shtëpiake të dëshpëruara”, apo Saygin Soysal i njohur me rolin e Metit në serlian “Diamante dhe dashuri”.
