Përplasja pas toke është një ndjesi e njohur për këdo që është përpjekur të kalojë kufijtë e tyre gjatë stërvitjes. Nuk ka rëndësi nëse bëhet fjalë për pesha të rënda apo vrap, vjen një pikë ku ju thjesht nuk ndiheni të aftë për të përfunduar një ushtrim.
Atletët dhe tifozët e fitnesit vazhdojnë të stërviten për të kaluar këta kufij, por një studim i ri ka gjetur se një ilaç mund të shkurtojë të gjithë këtë përpjekje duke nxitur të njëjtën përgjigje. Një pilulë për rritjen e performancës, mund të përdoret për të ndihmuar njerëzit që nuk janë në gjendje të ushtrojnë – si ata me gjendje zemre ose paaftësi – të përjetojnë disa nga përfitimet që ka stërvitja.
Për dy dekadat e fundit, hulumtuesit nga Instituti Salk për Studime Biologjike në San Diego kanë studiuar rolin e kimikatit të quajtur PPARD. PPARD aktivizon rrugët gjenetike kur atletët stërviten për të rritur qëndrueshmërinë e tyre aerobike.
Trajnimi riprogramon muskujt për të djegur më pak glukozë, duke e ruajtur atë si një burim energjie për trurin tuaj. Muskujt mund të përdorin yndyrë ose glukozë si burim energjie, por truri mbështetet vetëm në glukozë. Dhe ekipi tani ka treguar se ky proces mund të stimulohet duke aktivizuar PPARD në nivelin molekular. Duke futur një ilaç për të stimuluar prodhimin e PPARD, shkencëtarët mund të rrisin djegien e dhjamit dhe qëndrueshmërinë me rreth 70 për qind te minjtë. Dhe pas këtyre studimeve, ky ilaç do të mund të jetë i përshtatshëm edhe për njerëzit.
Burimi: Daily Mail
