“Iconstyle.al” zbuloi dje se vajza e Jozefina Topallit, ka nisur bashkëjetesën me një mashkull misterioz.
Pas ndarjes nga Luiz Ejlli, Megi ka nisur një marrëdhënie të re, të cilën duket se e ka bërë serioze dhe partnerin e saj e ka prezantuar në familje.
Por lajmi nuk mbaron me kaq pasi një burim ka treguar për “Iconstyle” se ajo është në pritje të ëmbël.
Megi është në muajt e fundit të shtatzënisë dhe ajo ka bërë gati gjithçka për bebin që do të vijë në jetë.
E ndërkohë që të rejat nga jeta private e saj kanë tërhequr vëmendjen e të gjitha mediave këto dy ditët e fundit, ajo që na bën më tepër kureshtje është se cili është djaloshi që i ka vjedhur zemrën Megit?
“Bordo.al” shkruan se ai quhet Angjelin Serreqi dhe është pinjoll i një familjeje të vjetër e të njohur shkodrane.
‘Angjo’ siç e thërrasin miqtë ka jetuar për disa vite në Itali ku ka përfunduar edhe studimet në Universitetin e Padova-s për shkenca kompjuterike.
Prej më shumë se 1 viti e gjysmë informaticieni është zhvendosur në Tiranë ku drejton edhe kompaninë e tij që merret me shërbim IT dhe zhvillim software-sh për bizneset.
