Shëndeti shpesh është bërë arsyeja që të lindin dyshime mes fansave apo mediave nëse një femër e njohur e ekranit shqiptar mund të jetë në pritjen e ëmbël. Kështu ndodhi edhe këtë javë me Andrra Destanin, pasi qarkoi një foto e saj me barkun e rrumbullakosur.
Ajo pozon në foto me motrën, e cila mban dorën në barkun e Andrrës duke bërë të shtoheshin aludime në lidhje me faktin që, bukuroshja brune mund të ishte shtatzënë.
Por bashkëshorti i saj dhe këngëtari i njohur Sinan Hoxha vendosi të reagonte dhe hodhi poshtë të gjitha spekulimet.
“Unë që fle me Andrrën çdo natë s’di gjë, portalet e dinë. Ç’të them, ishalla vjen një fëmijë tjetër kur ta ketë shkruar Zoti dhe jo gazetarët”, tha këngëtari për “RevistaWho”.
Çifti ka plan për një fëmijë tjetër dhe madje Andrra ka shprehur dëshirën që do të donte një vajzë.
Andrra dhe Sinan Hoxha kanë një djalë 3 vjeç të pagëzuar me emrin Ansi.
