Pas martesës, menjëherë mësuam se këngëtari do të bëhej baba për herë të parë. Aktualisht, solisti i NRG Band, Besniku Qaka dhe bashkëshortja e tij, Lolita Begolli, janë në pritje të fëmijës së tyre të parë.
Gjinia, akoma nuk ishte mësuar, por është vetë këngëtari që e ka bërë publik lajmin e bukur. Në një deklaratë të fundit për “Mirage”, Besniku zbuloi se ai dhe Lolita janë në pritje të një vajze, për të cilën kanë filluar të mendojnë edhe emrin:
“Lolita është 5 muajshe shtatzënë, po presim një çikë bukuroshe”.
Ai u shpreh se ndjesia e këtij momenti është e papërshkrueshme:
“Nuk e kisha përjetuar kurrë këtë ndjenjë, nuk e përshkruaj dot. Mezi po e presim”.
