Duket sikur të gjithë po bien në dashuri me ngjyrat e zbehta, si portokallia e ndryshkur, kafja retro, apo blu akulli.
Dhe sikur të mos mjaftonte kjo listë, një tjetër ngjyrë e këtyre nuancave po përparon fuqishëm në mesin e fashionistave. E kemi fjalën për të gjelbrën e zbehtë, atë që ngjan me menten apo me stikat dhe që e kemi disi të vështirë për ta përcaktuar qartësisht.
Megjithatë kur të shihni fotot e mëposhtme do ta kuptoni përse e kemi fjalën. Kjo lloj e gjelbre do të bëjë namim në modën pranverë/verë 2019.
Ajo është gjithashtu një ngjyrë që përdoret në dizajn dhe në ambiente të brendshme të shtëpisë. Në vitet ’90 ka qenë e preferuara e shumë ikonave të stilit nga Princesha Diana te Rachel Green (Friends).
Ajo është shtrirë edhe te aksesorët, veçanërisht çantat dhe këpucët. Sido që ta vishni, mos harroni se kjo e gjelbër do të jetë “must” në sezonin e ardhshëm, kështu që bëni mirë t’i bëni që tani detyrat e shtëpisë dhe të përgatiteni për të qenë përpara në vitin 2019.
Burimi: Whowhatwear
