Xhensila Myrtezaj është një ndër këngëtaret më të komentuara në rrjetet sociale. Së fundmi bukuroshja shqiptare është diskutuar gjatë në lidhje me shtatzëninë e saj, të cilën u mundua që fillimisht ta mbante sekrete. Mirëpo pas publikimit të lajmit të shtatzënisë nga “Iconstyle.al”, erdhi edhe konfirmimi i parë nga Besi dhe Xhensila.
Teksa është duke shijuar muajt e fundit të shtatzënisë Xhensila ka ndarë me fansat e saj në Instagram disa foto ku shfaqet rrëzëllitëse. Nuri i shtatzënisë duket sikur e ka zbukuruar edhe më shumë dhe këtë detaj nuk ngurrojnë t’ia vënë në dukje edhe ndjekësit e saj të shumtë në Instagram.
Xhensila dhe Besi së shpejti do të bëhen prindër të një vajze, e cila do të jetë shumë me fat duke parë përkushtimin e madh që ata po tregojnë që tani ndaj saj.
