Kryeministri Edi Rama ka vizituar nga afër disa fëmijë që i mbijetuan tërmetit të madh të së martës, për t’ju dhënë kurajo për rikuperimin dhe për t’u interesuar nga afër për situatën e tyre.
Në mesin e të shtruarve ishte edhe Alesio Cakoni 10 vjeç, i cili ka humbur babanë dhe motrën dhe ende nuk di gjë për këtë humbje. “iconstyle.al” bëri apel pak më parë për Alesion dhe nënën e tij, të cilët nuk kanë një strehë akoma. (lexo këtu).
Si një hero i vërtetë, 10-vjeçari sipas dajës së tij, u hodh nga kati i pestë i pallatit për të shpëtuar në momentin që ra tërmeti dhe sot fatmirësisht është mirë.
Rama u shpreh se do ta marrë në shtëpinë e tij vogëlushin deri në një moment që shtëpia e tij të jetë gati në dhjetor. Ai do të hyjë bashkë me nënën e tij në banesën e re që i premtoi kryeministri.
Biseda e kryeministri Edi Rama me Alesio Cakonin
Edi Rama: Cfarë ke?
Alesio Cakoni: Shpinën dhe shpatullën, 10 vjeç jam
Ogerta Manastirliu: Alesio kishte shumë dëshira. E para ishte se ka lënë librat në shtëpi
Edi Rama: Ti do të vish te shtëpia ime, do të prezantoj me Zahon dhe do të shohësh libra sa të duash. Librat i ke nga unë gjithë jetën. Kur të mos jem unë ke teta Ogertën. Unë do të jem për ty.
Ogerta Manastirliu: Donte edhe një ipad ia plotësuam dëshirën?
Daja: Po i shkarkojmë ca lojëra
Ogerta Manastirliu: Librin e ka te koka.
Edi Rama: Facebook, lojëra në ipad po, libra, libra sportin. Ai do të bëhet kolos. Sa i gjatë je ti? 145 kaq i vogël, sa Erjon Braçe. Kur të rritesh do të bëhesh sa unë. E njeh Braçen? Është njëri që bërtet, një shoku im që më mbyt, shyqyr që nuk e kam me vete. Me kë je tifoz?
Edi Rama: Obobob më shkatërroi. Më thuaj bluzën e kujt lojtari të Milanit do? Do të sjell bluzën e Donarumës, për t’u Alesion. Ndërsa ty Aurelin do të sjell bluzën e Ronaldos. Por Facebook dhe ipad jo edhe Tv
Daja: Alesio është hero është hedhur nga kati i pestë dhe sot është me këmbë e duar, është hero i vërtetë.
Edi Rama: Tjetër cfarë kërkese ke?
Daja: Kur të dalë nga spitali nuk ka ku të shkojë?
Edi Rama: Alesio kur të dalë nga spitali nëse nuk ka ku të shkojë do të vijë në shtëpinë time. Brenda mesit të dhjetorit do të kenë shtëpinë. Të hidhesh nga kati i pesë mos të kem unë shok të ngushtë ty. Zaho është më i vogël se ju por ka nevojë të marrë shembull nga ju.
/Shqiptarja
