Pak vite më parë ish-ministri fitoi një betejë të rëndë me një sëmundje në kokë, por humbi betejën e dytë që kishte nisur me sëmundjen në gjak.
Ndonëse shpresëplotë që do mund t’ia dilte sërish, Prifti tregonte gjendjen e tij përmes dy statuseve në “Facebook” në prill dhe qershor të këtij viti.
Prifti ishte deputet në Kuvendin e Shqipërisë nga viti 2001 deri në vitin 2013, ndërkohë që nga 2009 deri në 2010 mbajti edhe postin e ministrit të Ekonomisë, Tregtisë dhe Energjisë. Ai u shkëput para disa kohësh nga angazhimet zyrtare por asnjëherë nuk hoqi dorë nga politika.
Postimi më 30 prill 2017
Përshëndetje miqtë e mi.
E di që jeni kuriozë të dini nëse unë do kandidoj në zgjedhjet e 18 qershorit. Nuk do kishte kënaqësi më të madhe për mua sesa të kisha mundësi të kandidoja dhe përfaqësoja përsëri Ju në politikë. Por nuk mundem fizikisht. Kam mbi një vit që luftoj me një sëmundje agresive dhe të vështirë gjaku. Kurimi vazhdon dhe pak muaj dhe nuk më jep mundësi të shkëputem për fushatë. Kam bindjen që do ta kaloj dhe këtë siklet shpejt.
Nuk dua të mërziteni. Këto zgjedhje nga mënyra si po bëhen, pa opozitën, do dështojnë dhe do ripërsëriten shpejt. Lutuni Zotit nëse besoni që unë ta kaloj shpejt këtë sëmundje dhe të jemi bashkë në momentin më të parë. Unë nuk do votoj në këto zgjedhje. Nuk mendoj se dhe ju keni motiv të votoni. Shqipëria ka ecur mbrapa drejt varfërimit dhe mungesës së demokracisë. Megjithatë askush nuk mendon për ju, nëse nuk mendoni për vete. Nëse do votoni, bëjeni për interesin tuaj dhe askujt tjetër.
Postimi më 21 qershor 2017
Përshëndetje të dashur miq, nuk kisha asnjë dëshirë të jepja ndonjë mesazh për zgjedhjet parlamentare këte herë, sepse cfaredo qe te them e bëj jo me entuziazëm. Na duhet përsëri të zgjedhim të keqen më të vogël nga partitë që garojnë. Nuk kemi akoma një alternativë politike për të cilën ja vlen të votohet me entuziazëm. Meqë është kështu, unë do ti përgjigjem shumë miqve të mi që më telefonojnv dhe shkruajnë cdo ditë për të kërkuar mendim për cilën parti duhet të votojnë. Nuk dua të jap mendim se për cilët duhet të votojmë në rang vendi, sepse nuk i njoh kandidatët, por do guxoj të jap një mendim për Qarkun Fier dhe Shkodrën. Në Fier unë do votoja Partinë Socialiste sepse i njoh kandidatët dhe socialistët janë superior. Numri 9 dhe 10 në listen e PS që mund të jenë në vendet e rrezikuara janë 2 persona që e meritojnë më shumë se cdokush të jenë në Parlament. Gramoz Rucin e njoh për më shumë se 30 vjet si shok i mirë i babait tim. Deputet me eksperiencë të pakrahasueshme, i ndershëm, që nuk ka kërkuar dhe pranuar kurrë poste ekzekutive. Dhe Xhevit Bushin e njoh që nga koha që ishte bankier e më tej. Eksperienca e tij si bankier, financier dhe njohës i shkëlqyer i gjendjes së popullit, vështirësitë e mëdha për të paguar kreditë dhe mikrokreditë që po i marrin frymën popullit. Kjo eksperiencë i duhet Parlamentit të ri. Dikush duhet të mendoj për sektorin bankar dhe njerëzit në vështirësi. Për këto arsye unë në Qarkun Fier do votoja Partinë Socialiste. Sigurisht që më pëlqen fakti që Rama arriti të bëj një marrëveshje para dhe pas zgjedhore me Bashën. 100 herë më mirë se bashkëqeverisja me LSI. Kurse për Qarkun Shkodër do kërkoja votën me gjithë zemër për Tom Doshin dhe Partinë Social Demokrate. Nuk kam njohur kurrë në jetën time deputet që bën aq shumë për elektoratin, që i përgjigjet në telefon çdokujt, që kalon shumicën e ditës me votuesit për 4 vjet mandat, dhe jo vetëm në fushatë. Tomen unë e kam më shumë se mik. Politikanët e kriminalizuar janë përpjekur ta bëjnë pis, por nuk ja kanë arritur. Donin ti mohonin kandidimin, donin ta burgosnin pasi dështuan ta vrisnin. Por Toma vazhdon të ecë përpara. Asgjë nuk i bëjnë një besimtari në Zot kaq të sinqertë sa Toma. Për të gjitha këto arsye dhe për patriotizëm shkodran një luftëtar si Toma duhet të jetë në Parlament. Pervec kësaj populli nuk do ja mbyll kur vetes një derë të hapur për hallet e tyre.
Miqte e mi të dashur,
Si gjithmonë nëse ma dëgjoni këshillen nuk do dilni të zhgënjyer.
Zoti ju bekoftë dhe mirë u takofshim së shpejti.
Më falni që nuk mund ti përgjigjem mesazheve tuaja në fb sepse nuk e ndjek dhe nuk e administroj unë në kushtet që kam.
Burimi: Facebook
