Prokuroria e Hagës ngriti zyrtarisht ditën e sotme një sërë akuzash për presidentin e Kosovës Hashim Thaçi dhe kryetarin e PDK, Kadri Veselin, që akuzohen për krime lufte, vrasje të paligjshme, zhdukje e detyruar e personave, përndjekje dhe tortura. Më 24 prill 2020, Zyra e Prokurorit të Specializuar (ZPS) u paraqiti Dhomave të Specializuara të Kosovës (DHSK) një aktakuzë me dhjetë pika për shqyrtim prej Gjykatës, ku Hashim Thaçi, Kadri Veseli dhe të tjerë akuzohen për një sërë krimesh kundër njerëzimit dhe krimesh lufte ndër të cilat, vrasje e paligjshme, zhdukje e detyruar e personave, përndjekje dhe tortura. (Kliko)
Në Aktakuzë pretendohet se Hashim Thaç, Kadri Veseli dhe të dyshuar të tjerë janë penalisht përgjegjës për afërsisht 100 vrasje të paligjshme. Krimet e paraqitura në aktakuzë përshijnë qindra viktima të identifikuara shqiptarë, serbë dhe romë të Kosovës dhe kundërshtarë politikë.
Pas kësaj ngjarje kanë reaguar shumë personazhe të njohur në vend që kanë mbështetur publikisht Veselin e Thaçin. Madje Genc Prelvukaj ka vendosur që pikërisht pas kësaj të mos publikojë as projektin e tij të ri muzikor.
“Kënga ‘Mungon’ e planifikuar të publikohet sot në orën 12:00, pas zhvillimeve të sotme në Kosovë shtyhet për disa ditë. Sot duhet të jemi të gjithë në mbështetje të përfaqësuesve të Ushtrisë Çlirimtare të Kosovës. Ju faleminderit për mirëkuptim”, ka shkruar Genci në rrjete sociale.
Kënga “Mungon” po pritet me padurim, sepse fansat mendojnë që në këtë projekt të ri artisti do të shfaqet përkrah partneres së tij, Eni Koçi. Para disa ditësh dyshja publikuan në rrjete sociale foto nga vendi ku Genci ka xhiruar këngën e re dhe menjëherë nisën dyshimet se Eni do të ishte protagoniste ën klipin e partnerit. (Kliko)
