Ndryshe nga se pritej, Komuniteti i Ekspertëve nuk u mblodh këtë të hënë për të tjera masa kufizuese në lidhje me epideminë Covid-19. Është vlerësuar se situata është e qëndrueshme përsa kohë nuk ka numër të shtuar të shtruarish në 4 spitalet Covid.
Momentalisht nuk ka masa të tjera kufizuese por gjithsesi nuk përjashtoget mundësia që këto masa të ndryshohen para festave të fundvitit.
Një ndër skenarët e mundshëm që po diskutohet është fillimi i pushimeve dimërore më herët nga nxënësit e shkollave dhe zgjatja e tyre në më shumë ditë.
Në 24 orët e fundit nga 2108 testime, kanë rezultuar pozitivë 661 qytetarë. Po ashtu mësohet se 13 qytetarë kanë ndërruar jetë.
Aktualisht në 4 spitalet COVID, po trajtohen 433 pacientë, 24 në terapi intensive nga të cilët 11 pacientë janë të intubuar.
Masat e vendosura deri tani janë:
Ndalohet lëvizja e qytetarëve nga ora 22:00-06:00 në të gjithë vendin, me përjashtim të lëvizjes për motive pune, emergjenca shëndetësore apo nevoja të domosdoshme.
Ndalohen aktivitetet e bareve – restoranteve nga ora 22:00 – 06:00 (përveç shërbimit delivery. Ndërsa administrata duhet të punojë nga shtëpia gjatë kësaj kohe.
Maska e detyrueshme në çdo ambient përveç shtëpisë.
Ndalohen grumbullimet me më shumë se 10 persona në vende të hapura dhe të mbyllura.
Ndalohen mbledhjet partiake dhe tubimet.
Konferencat, ceremonitë e festave, ceremonitë martesore dhe organizimet përtej familjare të ceremonive mortore, deri në një urdhër të dytë.
