Kanye West raportohet se po shqyrton mundësinë për një bashkëpunim me Dua Lipën, për albumin e tij “Yandhi”.
Reperi i njohur amerikan thuhet se, dëshiron që këngëtarja me origjinë shqiptare të bëhet pjesë e një prej projekteve të tij.
Dyshja u takua në një kishë në Los Angeles të dielën dhe mësohet se Kanye ka shkruar disa këngë, që mund t’i përshtaten në mënyrë perfekte 23-vjeçares.
“Kanye është shumë i impresionuar me zërin e Duas dhe ai e di se ajo është shumë e kërkuar në industri tani. Ajo tashmë ka bashkuar me Calvin Harris dhe ai e pa sesa shumë eci ajo këngë. Ai ka disa këngë që mendon se Dua do të ishte e përkryer për t’i performuar me të dhe mezi po pret që ta bëjë atë pjesë të albumit të ardhshëm ‘Yandhi’”, tha një burim për median “The Sun”.
Dua Lipa është shprehur se ka qenë gjithmonë një fanse e Kanye West, ndërsa tani presim vetëm që projekti të bëhet realitet.
Burimi: Independent Online
