“Do jetë hera e fundit. Kam shumë kohë që e dëgjoj që kjo do jetë hera e fundit, por fundi nuk ka ardhur asnjëherë” .
Këto janë fjalët e një 18-vjeçareje shqiptare e cila është abuzuar seksualisht për 3 vite rresht nga babai i saj monstër.
“Fiks Fare” ka denoncuar me audio dhe video fakte të babait përdhunues, i cili nxirrte justifikime se do të dilnin shëtitje me makinë apo për të shkuar për të marrë dokumenta me vajzën, si e si që të ishte vetëm me të.
Vajza kishte bërë më herët denoncimin ndaj babait, por ai ishte njoftuar nga efektivët.
”Bëra denoncimin, por sa shkoi denoncimi,im atë u vu menjëherë në dijeni nga një polic shok i tij”, shprehet vajza.
“Më thirrën edhe mua në polici dhe më bënë presion duke më thënë se nëse nuk e tërheq kallëzimin, ndoshta edhe nuk provohet abuzimi e në atë rast do përfundoja unë në burg”, tregon 18-vjeçarja e cila ishte detyruar të tërhiqte kallëzimin.
Për t’ju mbyllur gojën njerëzve familja e fejoi vajzën me mblesëri.
”I fejuari më kishte dhuruar një celular dhe duke mos pasur prova për abuzimet që më ishin bërë nga im atë, fillova ta regjistroja. Ishte e vetmja mënyrë për ta faktuar, pasi i tregova edhe nënës por ajo nuk më besoi”, shprehet vajza.
Madje mbas kamerave ajo tregon se për të pasur nderin e pastër, i ati mostër do e çonte për ta qepur.
Pas denoncimit, babai monstër është arrestuar për veprën penale “Marrëdhënie seksuale ose homoseksuale me persona në gjini ose nën kujdestari”, parashikuar nga neni 106 i Kodit Penal.
/Top Channel
