Për të parë një “tutorial” live të grimierit të famshëm të motrave Kardashian-Jenner ndoshta do të ishit të gatshëm të paguanit sa të nevojitej!
Ariel Tejada është tashmë një artist makijazhi i konfirmuar në të gjithë botën, falë miqësisë dhe punës së tij për paraqitjen e Kylie Jenner dhe motrave Kardashian.
Ndërsa ditën e djeshme mbajti një “masterclass” për të na prezantuar me teknikat e tij të bukurisë, me siguri të gjithë do të donit të ishit aty, të shikonit nga pranë dhe të mësonit teknikat e fundit të makijazhit që duhet t’i dini.
Në fakt këtë mundësi e kishit, por duhet që të paguanit 400 euro për të marrë biletën e hyrjes.
“Iconstyle.al” mësoi përmes burimeve se, kjo ishte shifra që duhet të paguanit nëse do të donit të shikonit nga afër truket e tij të bukurisë, për 6 orë.
Arieli provoi dy llooje të ndryshme makiazhi, të cilat i demonstroi te Anxhelina Hadërgjonaj.
Gjithashtu “Iconstyle.al” mëson se nga çmimi 400 euro që paguaje për biletën, një pjesë të kthehej në vlerë produktesh, pasi kishte dy çanta me secilin produkt të markave të njohura si, “Huda Beauty”, “Kylie Cosmetics”, dhe të markave të tjera të bukurisë.
Një tjetër detaj që mësuam nga eventi ishin edhe dy fjalët që kishte mësuar në shqip Arieli. Dhe nëse menduat se ishte fjala “faleminderit”, atëherë gaboheni! Ishin nga ato fjalë që i cilësojmë “me pullë të kuqe”. Grimeri Tejada kishte mësuar të thoshte në shqip emrat e organeve gjenitale të secilës gjini. Besoj se kaq mjafton si informacion për ta kuptuar!
Ndërsa i kthehemi çmimit, pavarësisht se ishte mbi vlerën që mund të imagjinonit, salla ishte mbushur plot. A ia vlen për ju?
Burimi: Iconstyle.al
