National Geographic ka zbuluar ‘Best of the World 2025’.
Në listë ndodhet Guadalajara, Meksikë. Falë festivalit të saj mariachi që mbahet për dy javë çdo gusht dhe shtator, kur rreth 500 grupe performojnë në Teatro Degollado dhe sheshet publike.
Një tjetër destinacion feste i mbushur me kulturë është Boise, Idaho, shtëpia e përqendrimit më të lartë të baskëve në Shtetet e Bashkuara. Pas një pauze 10-vjeçare për shkak të pandemisë Covid-19, festivali i tij Jaialdi rikthehet në vitin 2025, me Bllokun Bask të qytetit që pret festa të përditshme në rrugë, vallëzime dhe shfaqje muzikore, si dhe konkurse.
Qyteti irlandez i Cork, vendlindja e yllit të “Oppenheimer”, Cillian Murphy, po kalon një rilindje urbane falë një plani të madh zhvillimi shumë-miliardësh që duhet të përfundojë deri në vitin 2028.
Në listë ka edhe disa destinacione që nuk mungojnë asnjëherë për një apo dy vizitorë, si Bangkoku dhe Los Anxhelosi. Në kryeqytetin tajlandez, National Geographic po nxjerr në pah punën e vazhdueshme të restaurimit në Wat Chaiwatthanaram, një tempull budist i shekullit të 17-të dhe një nga monumentet më të rëndësishëm të vendit.
Një vend fetare shumë i vizituar, është edhe Angkor Wat i Kamboxhias.
Los Angelos është në listë për ndryshimet e ardhshme në skenën e artit, duke përfshirë transformimin e bulevardit Crenshaw. Muzeu i Artit Narrativ të Lucas do të hapet në vitin 2026 në Parkun e Ekspozitës dhe do të shfaqë veprat e mbledhura nga krijuesi i “Star Wars”, George Lucas, duke mos humbur një lançim vitin e ardhshëm.
Volcán de Fuego, i vendosur në qytetin e Antigua-s, është një nga vullkanet më aktivë në botë dhe një udhëtim në vullkanin e tij fqinj Acatenango ofron pamje të pashembullt.
Lugina Suru në rajonin verior të Ladakh është një qendër për sportin në rritje të Indisë të ngjitjes në shkëmb, duke kulmuar në festivalin vjetor Suru Outdoor Fest në gusht dhe shtator.
Në Japoni, zgjedhja e National Geographic për vitin 2025 është Kanazawa, si një alternativë ndaj qytetit shumë të dashur, por shumë të vizituar të Kiotos.
