“Barbie” është aktualisht filmi më fitimprurës i vitit, por duket se mbretërimi i tij do të përfundojë shumë shpejt.
Filmi “Gran Turismo” e ka nisur shumë mirë dhe në fundjavën e tij të parë ka fituar 17,3 milionë dollarë, ndërkohë që “Barbie” kishte grumbulluar 17,1. Duket se ky film, ku interpretojnë Orlando Bloom David Harbour dhe Archie Madekwe, do të jetë i pari sa i përket fitimeve totale në kinematë e gjithë botës.
“Gran Turismo”, që është i bazuar në historinë e vërtetë të Jann Mardenborough, një adoleshent i fiksuar pas videolojës me të njëjtin emër i cili u bë pilot i vërtetë, është prodhuar me një buxhet për 60 milionë dollarësh.
Kujtojmë se “Barbie” ka kaluar “The Super Mario Bros. Movie” (574 milionë dollarë) për t’u bërë hiti më i madh vendas i vitit. Me 1.34 miliardë dollarë në mbarë botën, “Barbie” do të kalojë gjithashtu së shpejti shifrën kryesore të “Mario” me 1.35 milionë dollarë në mbarë botën.
