Gazetari Klinton Zeqiraj ka qenë së fundmi i ftuar në emisionin “Rudina”, ku është ndalur edhe te videot “funny” që ai realizon me partneren dhe nënën e tij. Shpeshherë e kemi parë se si ai i bën rrengje nënës së tij dhe si gjithnjë, reagimet e saj shkaktojnë shumë të qeshura. Mirëpo, gazetari ka zbuluar edhe se si nëna e tij e ‘kërcënon’ lidhur me videot.
“Ngele me telefon në dorë…më thotë që do dal ndonjë dite nudo që të shohësh pastaj a do bësh më ti”, tha Klintoni me të qeshur
Konkurrentja e “Miss Globe 2022” Ekaterina Dubenik dhe gazetari Klinton Zeqiraj kanë folur edhe për marrëdhënien e tyre të dashurisë por edhe për zënkat që kanë me njëri tjetrin. Madje, ata kanë treguar edhe se si janë njohur e më pas se si ka vijuar romanca e tyre.
Pjesë nga intervista:
Klinton Zeqiraj: Jemi njohur te biznesi im që kemi në Sarandë. Ekaterina punonte në një agjenci turistike, fliste për guidën, Ksmailin, për plazhin në Sarandë dhe apartamenti që kjo qëndronte me vajzat e tjera nga Bjellorusia ishte afër supermarktetit tim. Dhe vinte çdo ditë. Dhe unë sa e pash thashë, kjo është…
Rudina Magjistari: Kjo është e duhura. Ishte si dhuratë?
Klinton Zeqiraj: Ishte vërtetë si dhuratë. Fillova të flisja me të çdo ditë. I dhurova lule për herë të parë, s’kisha dhuruar ndonjëherë, por kjo ma dha atë impaktin.
Rudina Magjistari: Dhe që në atë moment nuk jeni ndarë më. Ka shkuar gjithçka mirë, ziheni për ndonjë gjë?
Klinton Zeqiraj: Edhe zihemi, se në çdo çift nuk është çdo gjë vaj.
