Shumë media e personazhe publike komentuan gjatë faktin se protesta e qytetarëve për vrasjen e Klodian Rashës është e dhunshme djegien e pemëve të Krishtlindjeve që ndodheshin në sheshin Skënderbej dhe para Kryeministrisë. Këto “dëmtime” janë riparuar menjëherë nga Bashkia e Tiranës disa orë pas protestës, duke dëshmuar se sa të përpërfillshme janë këto dëmtime krahasuar me vjedhjen, dëmtimet, gjymtimet dhe vrasjet që po i bëhen dhe i janë bërë ndër vite popullit shqiptar.
Në raportimet e shumë mediave nuk u zbardh fare protesta, e aq më pak kauza, por shkruhej për djegien e pemës së Krishtlindjeve, duke u pozicionuar nga qeveria e duke vendosur në kryetitujt e tyre “dhunën dhe shkatërrimet” e pretenduar se ushtruan të rinjtë.
Propaganda e disa mediave arriti deri aty sa të krahasojnë heqjen e disa dritave nga pema me dhimbjen e familjes së Klodianit. Të tjera shkruajnë për letra fëmijësh drejtuar Ramës, ku kërkojnë pemën e Krishtlindjeve për festa.
E pas gjithë trishtimit të tyre, dot është rikthyer para Kryeministrisë pema e Krishtlindjeve.
Pema është dekoruar sërish dhe vendosur në vendin që ishte pasi u dogj dhe u shkatërrua nga një grup protestuesish.
Kështu, u rikuperua edhe dhimbja e mediave dhe “VIP-ave” që “qanë” për të, por që nuk reagojnë për prerjen e pyjeve që nuk të le të mendosh se në Shqipëri ka moratorium pyjesh, tashmë prej katër vitesh…
