Nga zënkat, tradhtia, jeta e natës e deri të ndarja, Sofia Richie dhe Scott Disick pushtuan mediat këto dy ditët e fundit.
Çifti u raportua se u nda, pasi Sofia nuk e duronte më jetën e shfrenuar që bënte Scott.
35-vjeçari u fotografua në festën e Kanye West të enjten, ku thuhet se u tha të ftuarve se tashmë është beqar. Ai madje u pa t’i afrohej edhe një femre misterioze, sipas TMZ.
Por me sa duket, gjithçka paska qenë e kotë, pasi çifti jo vetëm që nuk janë ndarë, por po shijojnë bashkë disa ditë pushimesh.
Ka qenë vetë Scott ai i cili mohoi ndarjen duke publikuar një foto me Sofia-n në Malibu.
“Ne as që e kishim idenë që ishim ndarë, megjithatë faleminderit që menduat për ne”, shkroi ai në një Instastory.
Scott është baba i 3 fëmijëve nga marrëdhënia e tij 9-vjeçare me Kourtney Kardashian dhe kjo e fundit tashmë e ka aprovuar lidhjen e re duke i lejuar fëmijët të kalojnë disa ditë me çiftin.
