Do të shokoheni kur të shikoni se një i ri nga Britania ka shpenzuar miliona para për operacionet plastike, në mënyrë që të ngjante si David Beckham.
19-vjeçari Jack Johnson shpjegoi se mungesa e vetëbesimit e bëri atë që të kërkonte të ngjante si idhulli 41-vjeçar.
I riu u shfaq pak ditë më parë në emisionin “This Morning”, duke thënë se ka shpenzuar 20 mijë paundë: “Më pëlqen stili i tij i jetesës, e dashuroj paraqitjen e tij. Nëse do të dukem si ai, ndihem më mirë për veten”.
Jack gjithashtu shpjegoi se një mjek kishte refuzuar t’i bënte zvogëlim të stomakut, me arsyen se “nuk ishte shumë i madh”: “Kam pasur probleme gjithë jetën me peshën, kam provuar çdo stërvitje dhe dietë”.
Ai siguroi se përpjekja për t’u dukur si idhulli sportiv është ende larg përfundimit. Jack Johnson i nevojiten të paktën edhe 30 mijë paundë për të arritur qëllimin e tij.
“Dua të jem në listën e miqve të Nicki Minaj, Beyonce, Drake dhe Katie Price. Një ditë Simon Cowell do të më hapë telefonin”, thotë ai gjatë intervistës.
Burimi: Metro
